1951 წლის 4 მაისს კომპანია "Guinness Brewery"-ის დირექტორი, სერ ჰიუ ბივერი, სანადიროდ ვექსფორდში, ირლანდიაში გაემგზავრა. აქ იგი კამათის მონაწილე გახდა, თუ რომელი ფრინველია ყველაზე სწრაფი ევროპაში. კამათისას ბივერი მიხვდა, რომ ამის გაგება ენციკლოპედიებიდან შეუძლებელი იყო. ამიტომ გადაწყვიტა მსგავსი ენციკლოპედიის შექმნა, რომელიც ყველას დააინტერესებდა და პოპულარული გახდებოდა. ასე წარმოიშვა "გინესის რეკორდების წიგნი”.

პირველი "გინესის რეკორდების წიგნი", რომელიც 197 გვერდისგან შედგებოდა, გამოვიდა 1955 წლის 27 აგვისტოს და საშობაოდ ეს კრებული ყველაზე პოპულარული წიგნი გახდა დიდ ბრიტანეთში. პირველი გამოცემიდან დღემდე მოყოლებული გაყიდულია 400 მილიონზე მეტი ეგზემპლიარი. დღეს-დღეობით "გინესის რეკორდების წიგნი 2011″ ბოლო გამოცემაა.

ეს რაც შეეხებოდა მცირე ისტორიას, ამ პოსტში კი იმ პიროვნებების შესახებ მოგითხრობთ, რომლებიც ამ წიგნში საპატიო ადგილს იკავებენ.

გარი თურნერი ბრიტანეთიდან, რომელსაც შეუძლია თავისი სხეულის კანი გაწელოს 15,8 სანტიმეტრამდე. ეს ყველაფერი კი ელერს-დანლოსის სინდრომის დამსახურებაა. იგი გინესის რეკორდების წიგნში "ადამინი-რეზინის” სახელითი არის შესული.

ჯოლ ვოლი ამერიკიდან, რომელიც თავისი სიამაყის გვერდით დგას – რეზინის ლენტისგან შექმნილი ყველაზე დიდი ბურთი, რომლის წონაც 4 ტონას აჭარბებს. იგი 2008 წლის 13 ნოემბერს ფლორიდას შტატში აწონეს.

ყველაზე სწრაფი მორბენალი ლასტებით (დიახ ლასტებით  ) გერმანელი მარენ ცოკნერია. მან 100 მეტრიანი დისტანცია 22,35 წამში დაფარა.

მსოფლიოში ყველაზე დიდი, ჯიბის დანა 3,9 მეტრის არის და 122 კილოგრამს იწონის. თუმცა ძნელია ასეთი ზომის ნივთს, "ჯიბის დანა”  . იგი პორტუგალიაში, 2003 წელს შექმნეს ტელმო კადავეზმა და ვირჯილიო რაულმა.

ანიტა შვარცი გერმანიიდან, რომელმაც შეძლო და გაიარა 40 მეტრის მანძილი 19 ლუდის გათხით ხელში.

სკოტ მერფი შეერთებული შტატებიდან, რომელმაც 30 სმ დიამეტრის მქონე ტაფა 30 წამში მოღუნა და 17 სანტიმეტრამდე დააპატარავა.

მელვინ ბუტი მიჩიგანიდან (მარჯვნივ), მისი ფრჩხილების საერთო სიგრძე 9 მეტრი და 5 სმ-ია. ლი რედმონდს (მარჯვნივ) კი ფრჩხილები 1979 წლიდან არ დაუჭრია. მისი სიგრძე 8 მეტრი და 65 სმ-ი იყო მანამ, სანამ ავტოავარიაში არ დაკარგა თავისი "სიამაყე”.  მისი თქმით ასე ცხოვრება ბევრად ადვილია, თუმცა ეს ყველაზე დეპრესიული პერიოდი იყო მის ცხოვრებაში.

ჯეფ ვან დიკს კი შეძლო თავის სხეულზე 227 მაისურის ჩაცმა. ეს რეკორდი 2008 წლის 24 აპრილს, ბელგიაში დამყარდა.

საათების ყველაზე დიდი კოლექციონერი ჯეკი შოფია ამერიკიდან. მან 2008 წლის 17 ივნისის ჩათვლით 1094 საათი მოაგროვა.

ჰოლანდიელი უიმ ჰოფის ნიჭის კი ნებისიმიერ თქვენგანს შეშურდება. მან 1 საათისა და 42 წუთის განმავლობაში სრულიად შიშველმა გაძლო ყინულის ქვეშ.

ის ინდოეთია, ყველაზე გრძელი ნავი, რომელიც 43,7 მეტრისაა და ზედ 143 ადამიანის ადგილია, აქედან 118 მენიჩბეა, 2 მედოლე, ხოლო დანარჩენი მუსიკოსები. მისი პირველი ექსპლუატაცია 2008 წლის 1 მაის მოხდა.

ყველაზე უცნაური რეკორდი ვენგრიელმა, ჰალაპი როლანდმა დაამყარა, რომელიც ცეცხმოკიდებული ცხენმა ათრია 472 მეტრის მანძილზე.

სარვან სინგის წვერის სიგრძე 2 მეტრსა და 33 სმ-ს აღწევს.

მსოფლიოში ყველაზე გრძელი ძაღლის ყურებია 34,9 სმ მარჯვენა და 34,2 მარცხენა. ეს შინაური ცხოველი ბრაიან და ქრისტინა ფლენსერების კუთვნილებაა, რომლებიც ილინოისის შტატში ცხოვრობენ.

თმები ყურებიდან არაერთ ადამიანს ამოსდის, თუმცა 18 სანტიმეტრის სიგრძის მხოლოდ ინდოელ, ენტონი ვიქტორს გააჩნია.

მსოფლიოში ყველაზე დიდი ჰამბურგერი, რომელიც იჭმევა, 74,75 კილოგრამს იწონის და 399 დოლარი ღირს კაფე-ბარში სახელწოდებით "მელისთან”. ეს კაფე მიჩიგანის შტატში, საუთგეითში მდებარეობს. უზარმაზარი ჰამბრუგერი კი 2008 წლის 29 აგვისტოს გააკეთეს.

თურქმა ირლეკ ილმაზმა თვალიდან ცრემლის ნაცვლად რძე 280 სმ-ს მანძილძე გადაასხა.

Bigfoot 5 – ეს უდაოდ ყველაზე დიდი ჯიპია მთელ მსოფლიოში, მისი სიმაღლე 4,7 მეტრია, ხოლო ბორბლების სიმაღლე – 3 მეტრი. იგი 17 236 კილოგრამას იწონის, ძრავაზე და საწვავის ხარჯზე კი ლაპარაკიც ზედმეტია

ხე პინგ-პინგი მონღოლეთიდან, ცნობილია როგორც ყველაზე პატარა ადამიანი დედამიწის ზურგზე. მისი სიმაღლე 74,61 სმ-ია. ამ ფოტოზე იგი ყველაზე გრძელი ფეხების მქონე ქალის – სვეტლანა პანკრატოვას – გვერდით/ქვეშ დგას. სამწუხაროდ მსოფლიოს ყველაზე პატარა ადამიანი დღეს უკვე გარდაცვლილია.

კიმ გუდმანს თვალების "გადმოყრა” 11 მილიმეტრზე შეუძლია. ეს რეკორდი 1998 წელს გინესის რეკორდების ტელე-გადაცემაში დამყარდა.

თურქი სულთან კოსენი ყველაზე მაღალი ადამიანია მსოლფიოში. მისი სიმღალე 2 მეტრი და 46 სმ-ია. იგი ძალიან ამაყობს, რომ ყველაზე მაღალი ადამიანის სტატუსით სარგებლობს.

რას წარმოიდგენდნენ თევზები, რომ ერთხელაც რომელიმე ადამიანი ადგებოდა და 66,5 მეტრს წყალქვეშ ველოსიპედით გაივლიდა? ეს პიროვნება ვიტორიო ინოსენტე გახლავთ იტალიიდან, რომელმაც შეძლო ამ რეკორდის დამყარება.

იზაბელ ვარლის სხეულის 93% ტატუირებით არის დაფარული. ძალიან მაინტერესებს დანარჩენი 7% რა ნაწილია  .

აარონ ქეისი, მოზარდი, რომელის სახეც მაგნიტის როლს ასრულებს. მას შეუძლია 17 კოვზის მიმაგრება.

ყველაზე გრძელი/დიდი ცხვირი მსოფლიოში ეკუთვნის თურქ, მეჰმედ უზურეკს. მისი სიგრძე 8,8 სმ-ია შუბლიდან ნესტოებამდე.

საიმონ ელმორი გერმანიიდან, რომელმაც შეძლო და 400 ცალი წვენის საწრუპი 10 წამის განმავლობაში გაიჩერა პირში. თქვენ რამდენის გაჩერება შეგიძლია?

ჩინელ სი ციპინგს მსოფლიოში ყველაზე გრძელი თმები აქვს. მათი სიგრძე 5627 მილიმეტრია. იგი თმას 1973 წლიდან იზრდის.

ოდესმე დაინტერესებულხართ თუ რამდენს იწონის თქვენი ფეხსაცმელი? ჩიან ჩენცის ფეხსაცმელი 122,8 კილოგრამია და იგი გინესის რეკორდების წიგნში შესულია, როგორც ყველაზე მძიმე ფეხსაცმელი.

ბეკი სტენდფორდის ძაღლს, ბაკის, ყველაზე გრძელა ენა აქვს მსოფლიოში, მისი სიგრძე 11,43 სმ-ია.

და დღეისთვის ბოლო, რეკორდსმენების მაიკლ მაჩადოსა და პამელა ბარტოლომეოს სიამყე – ყველა გრძელი და მძიმე ლიმუზინია – რომლის სიგრძეც 21,3 მეტრია, სიმაღლე – 4,1 მეტრი, ხოლო წონა 22 933 კილოგრამს შეადგენს.

ამ პოპულარული და განსხვავებული ადამიანების ჩამოთვლით დავასრულებ პოსტის წერას. თქვენ კი კომენტარების სახით შეგიძლიათ გვიამბოთ თქვენი რეკორდებისა და მიღწევების შესახებ. თუ გყავთ რომელიმე კუმირი რეკორდსმენი? თუ გსურთ მიაღწიოთ რაიმე რეკორდს და მოხვდეს თქვენი სახელიც ამ წიგნში?