chachava.my1.ru

საინტერესო ფაქტები

admin — Sun, 02 Jun 2013 14:47:04 GMT

1. ქვეყანა, რომელსაც ყველა ჩატარებულ ფეხბურთის მსოფლიო ჩემპიონატში აქვს მონაწილეობა მიღებული-ბრაზილიაა.

2. ინგლისურენოვანი მოსახლეობა, ჩინეთში უფრო მეტია, ვიდრე აშშ-ში

3. ყველაზე მეტი საფოსტო განყოფილება, ინდოეთშია. 150 792. (შედარებისთვის, აშშ-ში სულ 38 000 ფოსტის ოფისია)

4. თვითმფრინავის ,,შავი ყუთი,, ნარინჯისფერია.

5. ,,მიკი მაუსის,, შემქმნელს, უოლტ დისნეის, ძალიან ეშინოდა თაგვების

6. რობინზონ კრუზომ უკაცრიელ კუნძულზე 24 წელი გაატარა.

7. მთელ მსოფლიოში, დღეში, დაახლოებით 567 მილიარდ კვერცხს იყენებენ.

8. კუნძულ ტაიტის შემოსავლის დიდი წილი ტურიზმზე მოდის, მეორე ადგილას კი ლუდის წარმოება დგას.

9. მეცნიერულად კოცნას ფილემატოლოგია ქვია.

10. იტალიის ქალაქ სიენაში, აკრძალულია, რომ მეძავს სახელად ერქვას მარია.

11. მწვანე ჩაი 50 % მეტ C ვიტამინს შეიცავს, ვიდრე შავი ჩაი.

12. ვაშლის და ბანანის არომატი გახდომას უწყობს ხელს.

13. ინგლისის ბიბლიოთეკებში, ყველაზე ხშირად იპარავენ წიგნს ,,გინესის რეკორდები,,.

14. ბრიტანეთის საიმპერატორო გვირგვინზე 1783 ბრლიანტის თვალია, მათ შორის ყველაზე ცნობილია "აფრიკის ვარსკვლავი"(309 კარატი)

15. ყოველწლიურად ამერიკელები 25 მილიარდ ერთჯერადი გამოყენების ჭიქას აგდებენ ნაგვის ყუთში.

p.s. სურათზე, რომელსაც ზემოთ ხედავთ, ადამიანის 10 სახეა გამოსახული. აბა თუ იპოვით.

ფექტური მოლაპარაკების „დაუწერელი კანონები“

admin — Sun, 02 Jun 2013 12:19:24 GMT

არ აჩქარდეთ. მიეცით ადამიანს საკუთარი აზრის გამოთქმის საშუალება. არ შეაწყვეტინოთ სათქმელი, არ ააჩქაროთ და არ დაასრულოთ მისი ფრაზები. კითხვის დასმისას დაელოდეთ პასუხს და არ უბიძგოთ მოსაუბრეს საკუთარი ვერსიებით.

გამოიჩინეთ ინტერესი. მაშინაც კი, თუ ყურადღებით უსმენთ, მაგრამ თქვენი მზერა სხვაგან გარბის, მას ეჭვი უჩნდება, რომ საუბარი თქვენთვის ნაკლებად საინტერესოა. უყურეთ თანამოსაუბრეს. იმის დემონსტრირებისათვის, რომ მისი გესმით, დროდადრო თავი დაუქნიეთ ან უთხარით მოკლე ფრაზები: „დიახ-დიახ!", „რა საინტერესოა!". არ შეაწყვეტინოთ საუბარი გრძელი ლირიული გადახვევებით: „თქვენმა ნათქვამმა ერთი შემთხვევა გამახსენა..."

დააზუსტეთ. ხშირად ბანალური გაუგებრობა კონფლიქტების მიზეზი ხდება ხოლმე. გამორიცხეთ ყოველგვარი გაუგებრობა დაზუსტების გზით: „როგორც თქვენი ნათქვამიდან გავიგე...", „თქვენ შეგიძლიათ შემისწოროთ თუ ვცდები...", „სხვა სიტყვებით რომ ვთქვათ..."

დაფიქრდით. აიღეთ პაუზა, თითქოს აანალიზებთ მოსმენილს და გადაამოწმეთ რამდენად დამაჯერებელია თქვენი გამოწვევა. ხშირად ასეთი მიდგომა თანამოსაუბრეს აიძულებს შეცვალოს საკუთარი შემოთავაზება თქვენთვის უფრო მომგებიანი წინადადებით, თანაც ისე, რომ ამაზე სიტყვის თქმაც არ დაგჭირდეთ.

ისაუბრეთ წყნარად და თავდაჯერებულად. შეეცადეთ ისაუბროთ მოკლედ, მკაფიოდ და გასაგებად. გამორიცხეთ ფრაზები: „როგორც ამბობენ", „გულახდილად რომ ვთქვათ". თქვენი არგუმენტები დამაჯერებელი უნდა იყოს, საუბრის ტონი კი - რბილი.

მოზომეთ ღიმილი. თუ თქვენს სახეზე გამუდმებით ღიმილია აღბეჭდილი, იქმნება შთაბეჭდილება, რომ ან თამაშობ კეთილგანწყობას, ან არასერიოზული დამოკიდებულება გაქვს თემასთან.

არ შეუშინდეთ შეცდომებს. არ შეიძლება თანამოსაუბრეს გაცეცხლებულმა უმტკიცოთ, რომ ცდება. ამ შემთხვევაში შეფარვით აგრძნობინებთ, რომ მასზე ჭკვიანი ხართ. ეს კი არავის მოსწონს! უმჯობესია დაუშვათ შესაძლებლობა საკუთარი შეცდომისა: „მე სხვაგვარად ვფიქრობ, მაგრამ შეიძლება მეშლება. შემისწორეთ თუ ვცდები..."

გამოიყენეთ ფორმა „დიახ, მაგრამ...". როდესაც „არა" გვესმის, სისხლში ჰორმონი - ნორადრენალინის გამოყოფა იწყება და მაშინვე საომრად ვართ განწყობილნი. „დიახ"-ის შემთხვევაში კი პირიქით, კმაყოფილების ჰორმონი - ენდორფინი გამოიყოფა. ამ ფაქტორის გათვალისწინებით, უნდა შეეცადოთ მკვეთრი „არას" ნაცვლად უპასუხოთ: „დიახ, მაგრამ მე მინდა, რომ..." და გამოთქვათ საკუთარი მოთხოვნები. ამ გზით კეთილგანწყობილი ატმოსფეროს შენარჩუნებას შეძლებთ და თანამოსაუბრესაც აიძულებთ თქვენთან კომპრომისი გამონახოს.

საიტი გისურვებთ წარმატებებს!

CV – 6 უპატიებელი შეცდომა

admin — Sun, 02 Jun 2013 12:17:45 GMT

ორთოგრაფიული შეცდომები და გაუმართავი ტექსტი, განსაკუთრებით მიუტევებელია ისეთ მნიშვნელოვან დოკუმენტში, როგორიცაა კურიკულუმ ვიტა (CV)

სამსახურის საპოვლენად, პირველი ნაბიჯი ე.წ. CV-ს შედგენაა. თუ იგი სწორადაა შედგენილი და ნათლად ასახავს ინფორმაციას თქვენს შესახებ, ჩათვალეთ რომ სამსახურის ძებნის პირველი ეტაპი უკვე გადალახულია.

დამსაქმებელს სურვილი უნდა გაუჩნდეს რომ პირადად გაგესაუბროთ. ეს კი, თქვენმა ავტობიოგრაფიამ უნდა მოახერხოს. საშუალოდ, ერთ cv-ს გადაკითხვას, 1 წუთს უთმობენ. ამიტომ, მაქსიმალურად შეეცადეთ გარკვევით ჩანდეს მასში ყველა საინტერესო ინფორმაცია.

არსებობს შეცდომები, რომელსაც განსაკუთრებით ვერ ეგუებიან კადრების შერჩევის სპეციალისტები. ამიტომ, გთავაზობთ იმ შეცდომების ჩამონათვალს, რომელიც თავიდან უნდა აირიდოთ, იმისათვის, რომ თქვენი CV ნაგვის ყუთში არ აღმოჩნდეს.

1.ორთოგრაფილი შეცდომები
ფსიქოლოგებმა დაადგინეს, რომ, თუ გამსაუბრებელი ერთ შეცდომას მაინც აღმოაჩენს თქვენს cv-ში, 12%-ით იკლებს შანსი იმისა, რომ თქვენ სამსახურში აგიყვანენ. ყურადღებით გადაიკითხეთ დოკუმენტი, ვიდრე გააგზავნიდეთ. წააკითხეთ ახლობელს. იქნებ მან აღმოაჩინოს ისეთი შეცდომა, რომელიც თქვენს თვალს გამოეპარა.

2. რთულად გასარკვევი საკონტაქტო ინფორმაცია
სწორად დაწერეთ სახელი და გვარი. მით უფრო, თუ რთულად დასამახსოვრებელი სახელი ან გვარი გაქვთ. მიუთითეთ ასაკი და არა დაბადების თარიღი. თქვენი ასაკის გამოთვლისათვის შეიძლება თავი არ შეიწუხონ.
ელექტრონულ ფოსტაში ნუ გამოიყენებთ ისეთ არასერიოზულ სახელებს, როგორიცაა მაგალითად: shumaxera@mail.ru , loqo@mail.ru და ასე შემდეგ. ელექტრონული მისამართის იდეალურ ვარიანტში თქვენი სახელი და გვარი, ან მხოლოდ გვარი უნდა ფიგურირებდეს.( მაგ:chachava92@mail.ru)

3. ზედმეტი ინფორმაცია
CV ერთ გვერდზე უნდა ეტეოდეს. არ არის საჭირო მთელი ცხოვრების დეტალური მიმოხილვა. თუ ძალიან დიდი სამუშაო გამოცდილება გაქვთ და 1 გვერდი არ გყოფნით, არ ჩაწეროთ ისეთი სამსახურები, სადაც 1 წელზე ნაკლები დაჰყავით. წერისას, ბოლო 10 წლის მონაცემები გაიაზრეთ და გარკვევით დაწერეთ. გარდა სამუშაო ადგილის მითითებისა, მიუთითეთ რა თანამდებობა გეკავათ და კერძოდ რა გევალებოდათ.
ყურადღება მიაქციეთ პუნქტს სხვადასხვა. თუ თქვენ ბლოგერი ბრძანდებით ან მოყვარული ფოტოგრაფი, ეს აუცილებლად დააინტერესებთ კადრების განყოფილებაში და თქვენზე შთაბეჭდილების შექმნაშიაც დაეხმარებათ.

4. ფერადი წარწერები და ფურცლები
CV იწერება შავით თეთრზე. დაივიწყეთ ფერადი ასოები, ჩუქურთმიანი ფურცლები ან სხვა სახის გაფორმებები. იგი უნდა იყოს მარტივი, სადა და ერთი შეხედვითაც ჩანდეს რა წერია მასზე და ნახატებში არ უნდა ჭირდებოდეთ თარიღების ძებნა.

5. გაუაზრებელი გზავნილები
ზოგიერთი სამსახურის მაძიებელი, გაუაზრებლად, მექანიკურად აგზავნის მონაცემებს ყველგან, სადაც კი ,,ვაკანსია,, აწერია. არ აანალიზებს აკმაყოფილებს თუ არა შესაბამისი ვაკანსიის მოთხოვნებს და არც იმაზე ფიქრობს, თვითონ თუ აწყობს ეს სამსახური.
არის შემთხვევა, როდესაც ერთი და იგივე ორგანიზაციაში, 3 გასხვავებულ ვაკანსიაზე, ერთი ადამიანის cv მიდის. რა თქმა უნდა, ასეთ კანდიდატს სერიოზულად არ აღიქვამენ.

6. ხარისხიანი ფოტო
თუ CV-ს ფოტოს დაურთავთ, იგი აუცილებლად ხარისხიანი უნდა იყოს. ბუნდოვანი ფოტო, თქვენს მიმართ განწყობას გააფუჭებს. დაურთეთ პატარა ზომის ფოტო. სადაც კორექტულად ჩაცმული და დავარცხნილი ხართ. პლაჟზე ან ბუჩქთან გადაღებული ფოტოს მიბმა
CV-ზე, უმუშევრად დარჩენას გიქადით.

ყველა ვაკანსიისათვის შეადგინეთ განსხვავებული სამოტივაციო წერილი. რომელიც კონკრეტულ მოთხოვნებს უპასუხებს. ერთი ტრაფარეტული წერილის მუდმივად გაგზავნა,, უხერხულ სიტუაციაში ჩაგაგდებთ.

პ.ს. ზღვა სამუშაო გამოცდილების ჩამოთვლა მომგებიანი სულაც არ არის. თუ თქვენ დიდი გამოცდილება გაქვთ, ბევრ სამსახურში გიმუშავიათ და მაინც სამსახურს ეძებთ, ეს ნიშნავს, რომ ცუდი კადრი ხართ. ლოგიკურია არა? დაფიქრდით ამაზე და ნუ გადააჭარბებთ.

წარმატების საიდუმლო რეცეპტი

admin — Sun, 02 Jun 2013 11:48:34 GMT

წარმატებული ადამიანების ცხოვრებას თუ გადავავლებთ თვალს, გამოვარჩევთ რამდენიმე საერთო ხასიათსა და უნარს, რომლებმაც შემდეგში მათი წარმატებები განაპირობეს.

წარმატების ეს საიდუმლოებები შეიძლება თქვენც დაგეხმაროთ ცხოვრებაში, რათა ფრთები შეასხათ თქვენს ოცნებებს. პერლა კი ყოველთვის მზადაა თქვენს დასახმარებლად.

მაშ ასე, წარმატების საიდუმლო რეცეპტი:

გახსოვდეთ, ყოველთვის იფიქროთ პოზიტიურად ნებისმიერ სიტუაციაში. კვლევები აჩვენებენ, რომ პოზიტიური აზროვნება ახანგრძლივებს სიცოცხლეს.

დაგეგმეთ თქვენი ოცნებები და მიზნები. მაგალითად, იმის მაგივრად, რომ იფიქროთ: "ნეტავ საბუღალტრო კურსებზე ვსწავლობდე", თქვენს თავს უთხარით: "შემდეგი თვიდან მე მივდივარ საბუღალტრო კურსებზე!". შეიმუშავეთ გეგმა, მკაცრად მისდიეთ მას და მაშინ წარმატება გარდაუვალი იქნება!

იმოქმედეთ! თავად მიზანი არაფერს არ ნიშნავს. მიზნის მისაღწევად რაღაც უნდა მოიმოქმედოთ. არ მისცეთ უფლება ეჭვებს, რომ ხელი შეგიშალოთ. უბრალოდ გააკეთეთ ის. თქვენი მოქმედება იქნება წინ გადადგმული ნაბიჯი წარმატებისაკენ.

არ შეწყვიტოთ სწავლა. იარეთ კურსებზე, იკითხეთ წიგნები, მოძებნეთ თქვენი ინტერესების შესაფერისი კლუბები. თუ თქვენ რაღაცამ გაგიტაცათ, ეცადეთ შეიტყოთ მასზე უფრო მეტი. დაეუფლეთ ახალ-ახალ ინფორმაციებს თქვენი ინტერესების სფეროში - ეს აუცილებელი შემადგენელი ნაწილია წარმატებისა.

იყავით შეუპოვარი და ბევრი იმუშავეთ. ისწრაფეთ და იმოქმედეთ თქვენი მიზნების მისაღწევად. არ გაჩერდეთ შუაგზაზე და არ მიანებოთ თავი.

ისწავლეთ დეტალების ანალიზი. შეაგროვეთ ფაქტები, დააზუსტეთ საწყისი მონაცემები. ეს დაგეხმარებათ ბრძნული გადაწყვეტილებების მიღებაში. აღიარეთ საკუთარი შეცდომები. მაგრამ არ დაისაჯოთ თავი მათ გამო. ანალიზი - ეს მნიშვნელოვანი შემადგენელი ნაწილია წარმატებისა.

კონცენტრირება გაუკეთეთ მთელს თქვენს დროს და ფულს. როდესაც რაღაცის გჯერათ, ჩადეთ მასში მთელი ენერგია და ყურადღება. არ მისცეთ უფლება სხვა ადამიანებს ან სხვა საქმეს, აგაცდინოთ არჩეულ გზას.

არ შეუშნდეთ ნოვატორობას, მუდმივ სიახლეებს. არ დაიზაფროთ იმის გამო, რომ სხვებს არ გავხართ. იყავით ერთგული საკუთარი თავისა და საკუთარი იდეებისა. ბრბოს მიბაძვა ყოველთვის წამგებიანია. წარმატება მხოლოდ ორიგინალობაშია.

ეცადეთ ადამიანებთან ეფექტური ურთიერთობა დაამყაროთ. მათ პატიოსნად შეატყობინეთ თქვენი აზრები და სურვილები, რათა ისინიც პატიოსნად მოგექცნენ შემდეგში. განავითარეთ თქვენში უნარი სწორად გაუგოთ სხვა ადამიანებს, გაიზიაროთ მათი გრძნობები და მოტივაციები. წარმატება შეუძლებელია გარშემომყოფებთან სწორად ურთიერთობის გარეშე.

და ბოლოს მთავარი საიდუმლო წარმატებისა: იყავით გულახდილი, საქმეში სანდო, პასუხისმგებელი თქვენს გადაწყვეტილებებზე. არასოდეს მოატყუო და უორგულო. თუ რამეს დაპირდი, შეასრულე სიტყვა. თუ შეცდომა დაუშვი, ან რაიმე სიბრიყვე ჩაიდინე, აღიარე ეს და გახსოვდეს: პატიოსნების, საიმედოობისა და პასუხისმგებლობის გარეშე ზემოთ ჩამოთვლილი არცერთი რჩევა არ დაგეხმარებათ მიზნების მიღწევაში.

პერლა გისურვებთ წარმატებებს!

20 ფაქტი youtube-ზე

admin — Sat, 01 Jun 2013 07:11:15 GMT

გთავაზობთ გაუხმაურებელ ფაქტებს რომლებიც შეიძლება არ იცოდით, უპოპულარულეს ვიდეო პორტალზე მთელს ინტერნეტში…

1) YouTube -ს 3ივე დამფუძნებელი (Steve Chen, Chad Hurley, Jawed Karim) ჯერ კიდევ Paypal-ში მუშაობდნენ, როცა დაიწყეს თავიანთი პროექტის განხორციელება.

2) დომენი- YouTube- დარეგისტრირებულ იქნა წმ.ვალენტინის დღეს ( 14 თებერვალს. 2005 )

3) YouTube-ის დარეგისტრირებული მოხმარებლების 70%-ს, 20წლამდე ხალხი შეადგენდა.

4) YouTube- ჰოლივუდის კინოკომპანია, რომ ყოფილიყო, მას საკმარისი მასალა ექნებოდა, იმისათვის, რომ 60 000 ახალი ფილმი გამოეშვა კვირაში

5) იმ ვიდეოების რაოდენობისთვის რომელიც YouTube-ზეა ატვირთული უკანასკნელი 2 თვის განმავლობაში, NBC, ABC, CBS -მაუწყებლობას 1948 წლიდან შეუსვენებლად უნდა ემუშავა.

6) YoutTube -ს საერთო ტრაფიკის მოხმარება იმდენია, რამდენიც 2000 წელს გამოიყენებოდა მთელს ინტერნეტ სივრცეში.

7) 1000 წელი მაინცაა საჭირო, რომ YoutTube -ზე ატვირთული ყველა ვიდეო იხილოთ, მაგრამ ამ დროისთვის მათი რაოდენობა არანაკლებ მილიარდს მიაღწევს.

ყველაზე პოპულარული კატეგორიაა მუსიკაა. მასში მთელი ვიდეოების 20%ია ატვირთული.

9) ამერიკის შეერთებული შტატები YoutTube-ზე ყველაზე მეტ ვიდეოს ტვირთავს. შემდეგ მოდის დიდი ბრიტანეთი.ასევე საიტის მნახველების ყველაზე დიდ ნაწილს ამერიკელები შეადგენენ, შემდეგ კი მოდის იაპონია.

10) პირველი ვიდეო რომელიც YoutTube-ზე აიტვირთა იყო ,,მე ზოოპარკში” რომელიც YoutTube-ის ერთერთმა დამფუძნებელმა Jawed Karim-მა დადო.

11) YoutTube-ს ყოველდღიური ვიდეოების ნახვა 2 მილიარდს შეადგენს.

12) Google -მა იყიდა YoutTube 2006 წელს 1,65 მილიარდ დოლარად.

13) პირველი ვიდეო, რომელმაც YouTube-ის რუსული ვერსია გახსნა იყო, Peter Nalitch კლიპი, სიმღერა- "Guitar”.

14) 2007 წლის, 13 მარტს კომპანია «Viacom»-მა სასამართლოში სარჩელი შეიტანა Google-ის წინააღმდეგ. მან დაადანაშაულა YoutTube-მასიური საავტორო უფლებების დარღვევაში და ითხოვდა მისი სერვისის ყველა მომხმარებლის პირადი მონაცემების აღრიცხვას.

15) ბევრი მომხმარებელი, რომლის ვიდეოც პოპულარული გახდა, ინტერნეტ სივრცის გარეთაც ვარსკვლავები გახდნენ. მაგალითდ კანადელმა ბიჭუნამ Justin Bieber -მა ძვირადღირებული კონტრაქტი გააფორმა ერთერთ ხმისჩამწერ სტუდიასთან, დედამისის YoutTube-ზე ატვირთული ვიდეოების წყალობით.

16) "სააღდგომო კვერცხი” YoutTube-ზე. თუ ატვირთვის დროს დავაჭერთ ღილაკს ზემოთ, ქვემოთ, მარცხნივ და მარჯვნივ ( ალტერნატივა: დავაჭიროთ ზემოთ და მარცხნივ) ჩაირთვება თამაში "Snake”.

17) 2010 წლის ნოემბრის მონაცემების თანახმად, YoutTube-ზე წუთში იტვირთება 35 საათიანი ვიდეო, და დღეში 50 400საათიანი,

18) ვიდეო რომელიც აღნიშნულია, როგორც წაშლილი ,არაა აუცილებელი ფიზიკურად წაიშალოს.ისეთი ფუნქციით, როგორიცაა Deleted YouTube Video Viewer-თავისუფლად შეიძლება ამ ვიდეოების ყურება.

19) 2009 წლის მარტში, ჩინეთის მთავრობა YouTube-სთან კავშირი დაბლოკა, იმ ვიდეომასალის საიტზე გამოჩენის მერე, რომელზეც გამოსახული იყო, თუ როგორ ურტყავდნენ ჩინელები ტიბეტის მონარქებს და ჩვეულებრივ მაცხოვრებლებს.

20) ვიკიპედიის თანახმად 2005 წლის 15 თებერვალი, YouTube-ს ოფიციალური ისტორიის დაწყების დღეა.

გურული სიტყვების ლექსიკონი და გურული Windows

admin — Sat, 01 Jun 2013 07:10:32 GMT

გოუნკლოველი – მიუხვედრელი
განკლოვილი- მიხვედრილი
ძიეზი- კლეტკა, ფიფქი – ბუნდღა და ლაი-ლაი ბარათი ტლიკი-ტლიკი (სატელეფონო ტერმინები)
სტორი – მართალი
ა კიდო! – ისევ
გულობიზა – თვის ბოლოსართი(მაგ.ბაღნის გულობიზა – ბავშვისთვის)
ყინტორა – კისერმოშიშვლებული
მოტიალებული – მოცარიელებული, მოსუფთავებული, ვაკე
გატიალებული – მაგარი მთვრალი
წეიკუზეთ! გახაზირდით! არიქა! – მოემზადეთ! ყურადღება ! წინ!
ლოპორწიე – ლოკოკინა
გესამანიე – ჭკვიანი
ორპოჭიკე- (მარტასავით) გამხდარი
ხინტრი – ხრტილი
დანდურება – დამდურება
დაყაბულდი? -დაკმაყოფილდი?
ყაბულს ხარ? – გყოფნის?
აბარძღვა – წაქცევა
მოდღურული – მოტხუპნული
ბურძგატებიანი – ეკლიანი
გადახაპიწებული – მომკვდარუნებული
კვატა- იხვი
ლაფერა- დიდი ხის კოვზი
იალონი – განთიადი, აისი
მწატხე – მლაშე
ზლოკვი – პატარა გველი
კაძახი – გლეხი კაცი
ბობორიკე – ობობა
გულუღმა – ღრმა თეფში
ბარეღმა – ბარემ
ბურკა – კურკა
ბჟოლა – თუთა
ბია – კომში
ბუჯგური – ძებნა
გადელება – გაგიჟება
ბენტერა – დაბნეული
გასკვანჩვა – დაჭერა
დაბღოტილი – დაკაწრული
დაკოტავება – გადაკეცვა
იი – ის
აი –ეს
იქინე – იქ
აქანე – აქ
მაი – ეგ
ცა – გოგო
დაბლეცილი – დაუნი
აშვატიება – ხელში აყვანა
აია იიი თუ იიია აი? – რომელი რომელია?
ფთხუი – უკარება
ამოჩაგვიება – რაიმეს იღლიაში ამოდება
ქვიჯა – სანაყი, ფილთაქვა
ჟვანთქი – წყლიანი ღვინო
გაბურსალებული – გაბრუებული
შომაული – შუაკაცი
გაუშომაულა – გაურიგა
ტინტილა – ხვლიკი
დობირა – მდინარის პირი
ჟვერო – სველი ბალახი
მოიზუკუტურე- ზურგზე მოიკიდე
ბჟუტური- უაზრო ლაპარაკი
ფუფაიკა – თბილი მაისური
რა ზორი აქვს? – რა უჭირს?
მაკვარანცხი – მოხერხებული
ხიბაკობს – იბარგება, ემზადება
გვანი – ნაგავი
ხიბაკი – ბარგი
ჯახირობს-წვალობს
გაკუჭდა – გაბრაზდა
ნაგულა, ნაკოტა – დაფშვნილი სიმინდის ტარო
გოჟოიანი- მუცელგაბერილი
ნაქურჩელა – სიმინდის ფუჩეჩი
დღვაბერა – დონდლო
გაბდღალული – გაბადრული
შენ გნახე მოტაფული(წყევლა)
მოჭვა – კრუხი
მეიკუთა – მოიკრუხა
გუშხამ – უსასრულო წარსული
ელანძე – უსასრულოდ გაწელილი მომავალი
რაცხა – რაღაც
ჩემზა – ჩემთვის
ვიჯეი – ვიჯექი
უჯიკე – უბიძგე
ყაზირალი – მოზრდილი ბავშვი
ბაღანა – ბავშვი
კურცხალი – ცრემლი
კურცხალს აღვარღვალებდა – ცრემლი ჩამოსდიოდა
თხლე – ყურძნის დაწურვის შემდეგ დარჩენილი ჭაჭა
ღჯა, სარი – ჭიგო
ყვაჭიჭა – ბაყაყი
მოხჩა – მოტყდა
სიკორწიალა -საქანელა
გაშპა – გასძვრა
ძნეყვა -დავარდა
მოგესიანთა – მოგინდა
ყოლისფერი – ყველაფერი
დასპარტული – გადატყავებული
ცხვირ-პირი დეისკიპარტა – ცხვირ-პირი დაიმტვრია
დეეთხუე – თავი დაანებე ,შეეშვი
საკარია – საქათმე
უზნეური – უხასიათო
ბღორინობს – ხმამაღლა ტირის
პწკალა – კიბე
გახუჭული – შეჭრილი
დამაყურე – მისმინე
მათხუე – მათხოვე
კარდალა – ჯამი
კურმუხეთი – ჯოჯოხეთი
მოჯაყვა, მომჯაყველი, მოჯაყული – შერცხვენა, შემარცხვენელი, შერცხვენილი
გინდებლარიენ? – გინდათ?
ტარაბუა – თავბრუ
ცახოცი – თავსაფარი
დასტურ ჩივი? – მართალს ამბობ?
დასტურ ხარ? – თანახმა ხარ?
ლახანკა – ვარცლი
ჩახანა – ქვაბი
ფუტი, ბოლი – კვამლი
ბოლი – ტოტი
გახაზირება – გამზადება
დახლიფართული, დასკიპარჭული – დაგრეხილი
როფავს – ყინავს
ფიჟვერა – ფილტვი
ჩხაპუტები, ფოსტლები – ჩუსტები
გაბლიგვებული – გაცივებული, გაშეშებული
მაკვარანცხი – ხიფათიანი, ცელქი
ქარჩხავი – კაპასი
დაგაჩინჩქვალებ! – დაგამტვრევ!
წაი, იქინე, იმაში იგია და მეიტანე – გურულისთვის ჩვეული გამოთქმა, რომელიც უნდა გამოიცნო
ცინტალი – კნუტი
კოხი, ხოშკეკალი – სეტყვა
შლუ – დებილი
გამბუზია – თავკომბალა
გამიშპა – დამისხლტა
ათხრიშინებს ,თხრიშინი – წყლის ჩხრიალი
ღენჭეპო – ნაჭუჭი
მეტოშა – გამიკვირდა
ბუდუა – ნათლია
კუთვა – კვნესა
უბორნია – ტუალეტი
ფარშივი – ყალბი
ბადიში – შვილიშვილი
ნეზვი – დედალი
მარცხი ელანძეა – მოულოდნელი ხიფათი
ოჭვათო – საწვიმარი ღარი
მოჭვა – კრუხი
მიგანგალებიებ – მიგარტყმევინებ
არიქა – დროზე, სწრაფად
მომიბორიე – მომინიავე
ჩარხი,სენთი,მარიფათი- მოხერხება
აასკდა – სწრაფად ავიდა
ზიპლიპიტო – წვრილმანი უსარგებლო ნივთი
მოკაკვული – მოხრილი
კაკვი – მოხრილი ჯოხი ხილის მოსაკრეფად
დათქიშინობენ – დარბიან
ჯანჯუხა – ჩურჩხელა
იმიზა – იმიტომ
რეიზა – რატომ?
სოხვი – ხახვი
ძღინკიანი – ცუდი გაფუჭებული ნივთი
ლენგერა – მსხვილი ჯოხი
აანცება – აკლება
იჟღლემს – ისრესს
გახიკინებული – გამხმარი
გაფშიკინბული – გამომშრალი
ადამ კოკოს დროინდელი – ძალიან ძველი
გადაცრიალება – გამოდარება
მიპოჭიკე – დამეხმარე
იბღოჭინა – ებღაუჭებოდა
დაჟღერტება – ძირს დაგდება
ალაგე – ღობეზე გადასასვლელი
არჩივი – წილი
კალანდა – ახალი წელი
მოკვარახჭინება – მოგვარება საქმის
ბანდალი – ფეხარეული სიარული
სკვარამი – სიბნელე
მეიცა – მოიცადე
მალაზონი, პროხი – ძალიან მოხუცი
გაჯგუშული – გაწეწილი
ოჯგუში – ქვევრის საწმენდი
ჭური – ქვევრი
რეთი? – რამდენი
ყია – კისერი
დევიფსე – დავიღუპე
დასირსვალებდენ- დაფუთფუთებდნენ
აბარბალდება – აალდება
გაბარბალებული სახლი-კეითლმოწყობილი
ფხუკიანი – ფიცხი
ბუნდღა – ბუმბული
ქენქერა – დაუკვირვებელი
დაგიყვლეპია, დაგინჭყერია – დაგიჭყეტია
ჯორკო – დაბალი სკამი
პეტელი – თხის კიკინი
რა სალაკა? – რა ადგილას
თვალი – ოთახი
მრეჩხა – დამარტყა, ვიგრძენი, მივხვდი
დაფილენჯული, მისკირენჯული – დანჯღრეული
ჩამეეტიე – დროზე ჩამოდი
სამიდღემჩიო – სამუდამო
წახანა – რამდენიმე წუთის ან საათის წინ
გაპალაჩებული – განადგურებული
ჩიოდა – ამბობდა
ჩივა – ამბობს
ნაფუნჩხები – ნაფხვენები
პელენძუკა – მაწანწალა
ნალია – სასიმინდე
ყოლიფერი – ყველაფერი
ბჟუტური – უაზრო, უშინაარსო საუბარი
ფინთი – ავი
ჩომპო – ღიპი
ჯინიანი – დაუჯერებელი ურჩი

ავტორი: თამარ გოგუაძე

ესეც ნახეთ, გურული ვინდოუსი, ბევრს გეცოდინებათ მარა მაინც :

ქართულ-ძერსკული ლექსიკონი

admin — Sat, 01 Jun 2013 06:49:39 GMT

1)გადი გატრასე–მიდდი გაიარე

2)მოზგი ხარ–ჭკვიანი ხარ

3)ნუ ციმციმებ–ნუ მეპრანჭები

4)შენი ტვინი ატლასივით სწორია–უტვინო ხარ

5)გაჩითა–იპოვა

6)აუ გაფრინდი რა–გაქრი აქედან

7)MGX-მაგარი გასიებული ხარ

8)სიფათს აგახევ–გცემ

9)ვინ გაეძრო–ვინ მოვიდა

10)მოხურე რაა–მოკეტე

11)ბეზა პაწი პუწი–მაგას აკლია

12)ვიზმენდები–ჭკუაზე არ ვარ

13)ჩაგქუსლავ–გცემ

14)გაზგასული ბორჯომივით–ცუდად

15)ჩემო შოკოლადო–ტკბილო

16)MGR-მაგარი

17)ფოტკები გამოუშვი–ფოტოები გამომიგზავნე

18)რავე რაა–არ ვიცი

19)სევდა ფართი–პანაშვიდი

20)დამისეივე–შემინახე

21)დერსკი სბორი–მაგარი ჩხუბი

22)აუუ რა გჟ ხარ–რა გიჟი ხარ

23)სიხუშ–სიხარული

24)PKCH-პაკა ჩაო

25)ათ ლაპარაკობ–რას ლაპარაკობ

26)შეგეხეთქე ლოყაზე–გაკოცე

27)MIK–მიყვარხარ

28)როსკა–ჯერ პატარა ხარ

29)ნუ მედღლარძეები–ნუ მიყურებ

30)აუ,გაუანდერსტენე რა–”გაუაისნე” რა

31)გეხუტუნე–ჩაგეხუტე

32)რა გლატნოი ტიპი ხარ–რას ბლატაობ

33)ტვინი მოწვი–დაფიქრდი

34)HI.R.X.-გამარჯობა,როგორ ხარ?

35)ოე,ყანაა–გოიმო

36)ვამე დავიშოკე–შოკში ვარ

37)თავში ფეხი ხომ არ გაქ?–შტერი ხომ არ ხარ?

38)გატოცეთ–გაკოცეთ

39)რა საკალელი ხარ–რა საყვარელი ხარ

40)აუ რა სიმპო ხარ–აუ რა სიმპათიური ხარ

41)დევოჩკებო–გოგონებო

42)გოგჩოებო–გოგონებო

43)დიახთ–დიახ

44)სიხ–სიხარულო

45)ნუ მელოსტები–ნუ მეკარგები

46)სორი რა–აუ მაპატიე რა

47)გენატალე–გენაცვალე

48)მაგადიაა–მაგარიაა

49)G.K.E.-გაკოცე

50)P.K.–პაკა

51)მიგამარშუტკისუკანასკამებ–გცემ

52)დაგაყარე კისსები– გაკოცე

53)სორრები გიყარე სტოლზე–ბოდიში

54)ვშოკეეეეეე–განცვიფრებული დავრჩი

55)კარგი ვეშია-მოვუსმინე/ვუყურე და მომეწონა

NASA-მ აჩვენა მზის პირველი 3D გადაღებები

admin — Sat, 01 Jun 2013 06:40:10 GMT

აეროკოსმოსურმა ორგანიზაციამ NASA-მ გაუშვა ორი კოსმოსური ზონდი STEREO (Solar TErrestrial RElations Observatory) 25 ოქტომბერს 2006 წელს. ზონდის ძირითადი მიზანი იყო მზის სტერეოსკოპიური გამოსახულების შექმნა. ანუ მზის გადაღება უნდა მომხდარიყო ორივე მხრიდან. და მხოლოდ ამ დღეებში, ზუსტად კი 6 თებერვალს, ორივე ზონდი დადგა საჭირო პოზიციაზე, და პირველად ისტორიაში ჩვენ შეგვიძლია ვიხილოთ მზის რეალური მოცულობითი კადრები. ამ ახალი ინფორმაციის დახმარებით მეცნიერები შეძლებენ უფრო ზუსტად დაადგინონ მზის შტორმების პროგნოზი, რომლებსაც შეუძიათ კატასტროფული ზიანის მიყენება დედამიწისთვის…

http://www.youtube.com/watch?feature=player_embedded&v=qLB5ma2Yz1I

სამყაროს ევოლუცია…

admin — Sat, 01 Jun 2013 06:37:00 GMT

დამკვიდრებული იყო მოსაზრება იმის შესახებ, რომ სამყარო სტატიკურია, ანუ სამყარო არ იცვლება და მასში მიმდინარე პროცესები ყოველთვის მიმდინარეობდა.

სხვადასხვა დროს გალაქტიკები სხვადასხვა მანძილით არიან დაშორებული ერთმანთისგან
დიდი აფეთქება
შორიდან მოდის ინფორმაცია წარსულზე
ბუნებაში გამოიყო ოთხი სახის ურთიერთქმედება
სამყაროს შედგენილობა
ფარული მატერია გარს აკრავს გალაქტიკას
მუქი ადგილები შეესაბამება სამყაროში ადრე არსებულ შემკვრივებულ ადგილებს

1929 წელს ამერიკელმა ასტრონომმა ედვინ ჰაბლმა აღმოაჩინა, რომ ჩვენ გვშორდებიან გალაქტიკები. სხვა გალაქტიკები გვშორდებიან არა მხოლოდ ჩვენ, არამედ ნებისმიერი ორი გალაქტიკა შორდება ერთმანეთს, ისე რომ გალაქტიკების ზომები არ იცვლება. რაც უფრო დიდია მანძილი გალაქტიკებს შორის, მით უფრო სწრაფად შორდება ისინი ერთმანეთს.

ჰაბლის კანონი: დაშორების სიჩქარე=(გალაქტიკებს შორის მანძილი)*(ჰაბლის მუდმივა)

თუ გალაქტიკები გამუდმებით შორდებიან ერთმანეთს, ე.ი. წარსულში ისინი უფრო ახლოს იყვნენ ერთმანეთთან, ვიდრე ახლა არიან. სავარაუდოდ, იყო დრო, როდესაც გალაქტიკები ძალიან ახლოს იყვნენ ერთმანეთთან.

მეცნიერები ვარაუდობენ, რომ სამყარო წარმოიშვა დროის რაღაც მომენტში და მისი ევოლუცია ერთი წერტილიდან დაიწყო, ანუ მოხდა დიდი აფეთქება, რომლის დროსაც წარმოიშვა დრო, სივრცე და მატერია – ჩვენი სამყარო.

სინათლე დიდი, მაგრამ სასრული სიჩქარით (300 000 კილომეტრი წამში) ვრცელდება, ამიტომ შორეული ობიექტებიდან ინფორმაცია დაგვიანებით მოდის. ინფორმაცია იმდენით იგვიანებს, რა დროც სჭირდება სინათლეს დაკვირვების ობიექტიდან ჩვენამდე მოსასვლელად. ასე რომ, ინფორმაციას ვიღებთ არა იმაზე, თუ როგორია ობიექტი ახლა, არამედ იმაზე, თუ როგორი იყო ობიექტი მანამ, სანამ სინათლე ჩვენამდე მოაღწევდა. თუ დაკვირვების ობიექტიდან სინათლე ჩვენამდე აღწევს ერთ წელიწადში, მაშინ სინათლის დაფიქსირებისას ჩვენ გავიგებთ, როგორი იყო ობიექტი ერთი წლის წინ. ასეთ შემთხვევაში ამბობენ, რომ ობიექტი ჩვენგან ერთი სინათლის წლით არის დაშორებული. სინათლის წელიწადი არის მანძილი, რომელსაც სინათლე ერთ წელიწადში გაივლის. სამყაროს ხილული ზომა 13-14 მილიარდი სინათლის წელიწადია, ანუ ჩვენ შეგვიძლია შევისწავლოთ პროცესები, რომლებიც მიმდინარეობდა 13-14 მილიარდი წლის წინ. შეფასებების თანახმად, სამყაროს ასაკი დაახლოებით 14 მილიარდი წელია, ე.ი. შორეული ობიექტების შესწავლით შეგვიძლია შევისწავლოთ პროცესები, რომლებიც სამყაროს წარმოშობისას მიმდინარეობდა.

სამყაროს წარმოშობისას არსებობდნენ როგორც ნაწილაკები, ისე ანტინაწილაკები. ერთმანეთთან ურთიერთქმედებისას ნაწილაკები და ანტინაწილაკები ანიჰილირდებიან ("ქრებიან”). მილიარდ ანტინაწილაკზე მოდიოდა მილიარდი და ერთი ნაწილაკი. შესაბამისად, დარჩნენ ნაწილაკები, რომელთაგანაც წარმოიშვა მატერია. სამყაროს წარმოშობის საწყის ეტაპზე სამყაროს ტემპერატურა იმდენად დიდი იყო, რომ ატომური მატერია ვერ წარმოიქმნებოდა. დიდი აფეთქებიდან 400 000 წლის შემდეგ სამყაროს გაფართოებისას ტემპერატურა დაეცა 3000 გრადუსამდე. ამ ტემპერატურაზე შესაძლებელი გახდა ატომური მატერიის წარმოქმნა.

სამყაროს ევოლუციის პროცესში თანდათან გამოიყო ოთხი ტიპის ურთიერთქმედება. გრავიტაციული -ვლინდება მასიური სხეულების მიზიდულობის დროს, ძლიერი -ინარჩუნებს ელემენტებს ატომის ბირთვში, ელექტრომაგნიტური -ვლინდება დამუხტული სხეულების ელექტრომაგნიტურ ველთან ურთიერთქმედებისას, სუსტი -ვლინდება ბირთვეული რეაქციებისას.

`სამყარო შედგება ხუთი ელემენტისგან . ფარული ენერგია – მისი სიმკვრივე არის ჯამური სიმკვრივის 73%, ფარული მატერია – 23%, ატომური მატერია – 4%, სინათლე – 0.005%, ნეიტრინოები -0.0034%. თითოეული ელემენტის სიმკვრივე სამყაროს ევოლუციის პროცესში იცვლება.

`სამყაროს ჯამური ენერგია ნულის ტოლია (ისევე როგორც მის წარმოშობამდე). დიდი აფეთქებისას მოხდა ნულოვანი ენერგიის დაყოფა სხვადასხვა ტიპის (დადებით და უარყოფით) ენერგიებად და წარმოიქმნა მატერია. ამ პროცესს ინფლაცია ეწოდება.

ფარული მატერია არ ურთიერთქმედებს ატომურ მატერიასთან. მისი არსებობა ვლინდება გრავიტაციული ურთიერთქმედებისას. ფარული მატერია გარს აკრავს გალაქტიკებს (ნახ.6). თავიდან ფარული მატერია იზიდავდა ატომურ მატერიას და ხელს უწყობდა ატომური მატერიის შემკვრივებას ფარული მატერიის შიგნით. ასე დაიწყო წარმოქმნა გალაქტიკებმა.

ფარული ენერგიის არსებობა განაპირობებს სამყაროს აჩქარებულ გაფართოებას. ჯერ არ არის დადგენილი, ზუსტად რას წარმოადგენს ფარული ენერგია და ფარული მატერია.

ნეიტრინოები სინათლის სიჩქარით მოძრავი უმასო ნაწილაკებია, მაგრამ ისინი არ ურთიერთქმედებენ (სუსტად ურთიერთქმედებენ) ატომურ მატერიასთან.

კოსმოლოგიური პრინციპის თანახმად, დიდ მანძილებზე (200 მილიონი სინათლის წელი) სამყარო ერთგვაროვანია – არ არსებობს გამორჩეული მდებარეობა, სამყარო ყველგან ერთნაირად გამოიყურება, სამყაროს არ აქვს ცენტრი, ასევე სამყარო იზოტროპულია, ე.ი. არ არსებობს გამორჩეული მიმართულება – საითაც არ უნდა გავიხედოთ, ყველგან ერთნაირ სურათს დავინახავთ.

საწყის ეტაპზე სამყარო ცხელი იყო. ცხელი სხეულები ასხივებენ. რადგან დაშორებული ობიექტებიდან მოდის ინფორმაცია იმის შესახებ, თუ როგორი იყო ობიექტი წარსულში, ე.ი. ჩვენამდე უნდა მოდიოდეს გამოსხივება, რომელიც არსებობდა მაშინ, როდესაც სამყარო ცხელი იყო. ადრეულ ეტაპზე სამყარო არ იყო გამჭვირვალე, ანუ ჩვენ უნდა დავაფიქსიროთ გამოსხივება, რომელიც არსებობდა მაშინ, როდესაც სამყარო გახდა შედარებით გამჭვირვალე. გიორგი გამოვი და სხვა მეცნიერები ვარაუდობდნენ, რომ კოსმოსში უნდა არსებულიყო ფონური მიკროტალღოვანი გამოსხივება, რომელიც სამყაროს ჰქონდა ატომური მატერიის ფორმირებამდე. ამერიკელმა ასტრონომებმა არნო პენციაზმა და რობერტ ვილსონმა 1964 წელს აღოაჩინეს კოსმოსური მიკროტალღოვანი გამოსხივება. ამ აღმოჩენისთვის მათ მიიღეს ნობელის პრემია.

ასი მილიარდი წლის შემდეგ ჩვენს გარშემო არსებული კოსმოსური ობიექტები იმდენად დაგვშორდებიან, რომ მათ შესახებ ინფორმაციას ვერ მივიღებთ, ანუ მახლობელი გალაქტიკებიც კი აღმოჩნდებიან მოვლენათა ჰორიზონტს მიღმა და ჩვენ დავრჩებით სრულიად მარტონი.

მეცნიერები ტურინის სუდარაზე

admin — Sat, 01 Jun 2013 06:35:13 GMT

ისტორიული წყაროები მოწმობენ სუდარის არსებობას. ჯერ კიდევ მე-7 ს-ში ეპისკოპოსი ბროლიონის ტექსტიდან ვხვდებით, რომ მის ეპოქაში იცოდნენ სუდარის შესახებ, რომელსაც ინახავდა ეკლესია. მე-12 საუკუნეში იმპერატორი ემანუელ კომნენი უჩვენებდა სუდარას იერუსალიმის მეფე ამოსს. რობერტ დე კლარი, მე-4 ჯვაროსნული ლაშქრობის მემატიანე, მოგვითხრობს, რომ ვლაქერნის ღვისმშობლის ტაძარში სუდარას გამოასვენებდნენ პარასკევობით. მასზე „ნათლად ჩანდა უფლის სახე„. ბიზანტიური წყაროები მოწმობენ ნათებაზე სუდარისა. 1204 წ. ჯვაროსნებმა დაარბიეს ბიზანტია. სუდარა საუკუნენახევრის მანძილზე დაკარგულად ითვლებოდა.

1355 წ. სუდარა გახდა საკუთრება გრაფ გოტფრიდ დერმანი I-სა. 1452 წ. 22 მარტს გაურკვეველი მიზეზების გამო გოტფრიდ I-ის შვილიშვილმა სუდარა გადასცა ლუდოვიკო სავოელის მეუღლეს. ამადეი მეცხრემ, ლუდოვიკოს ძემ ბრძანა შამბერისეულ ციხე-კოშკში ეკვდერის აგება სუდარის შესანახად. 1532 წ-ის 4 დეკემბერს ღამით ეკვდერში გაჩნდა ხანძარი. მონასტრის ორმა ძმამ და ერთმა მჭედელმა ძლივს მოახერხეს სუდარის ცეცხლის ალიდან გამოხსნა. კიდობანი, რომელშიც ინახებოდა იგი, ნაწილობრივ დადნა და გააფუჭა გადაკეცილი სუდარა. 1534 წ. იგი გადასცეს შამბერის მონაზვნებს, რათა გაემაგრებინათ დაზიანებული ადგილები.

1578 წ. სავოის ჰერცოგმა ემანუელ ფილიბერტმა და მისმა მეუღლემ გადაიტანეს სუდარა თავიანთ ციხე-კოშკში, ტურინში, იტალიის ჩრდილო დასავლეთით. 1694 წ. ემანუელ ფილიბერტის მემკვიდრეებმა აღაგეს შავი მარმარილოს ეკვდერი, რომელიც მიუერთეს წმ. იოანე ნათლისმცემლის ტაძარს. იქ გადაასვენეს სუდარა და დაასვენეს ტრაპეზე, გუმბათის ქვეშ. სუდარა სავოის ჰერცოგთა სასახლის საკუთრებაა. იგი ინახებოდა ვერცხლის ზანდუკში. ზანდუკს ჰქონდა სამი კლიტე. ერთი გასაღები სავოის ჰერცოგის შთამომავლის იყო, მეორე ტურინის მთავარეპისკოპოსის, მესამე კი ეკვდერში მომსახურერ სამღვდელოებას ჰქონდა. (დღეს სუდარას იცავს ტყვიაგაუმტარი შუშა და აპარატი, რომელიც ქმნის ყველა საჭირო პირობას სუდარის შესანახად).

მიუხედავად ზემოდ თქმულისა, მეცნიერები დიდხანს დაობდნენ სუდარის ასაკთან დაკავშირებით. 1978 წ გამოკვლევებს სათავეში ჩაუდგა ლაზერული ოპტიკის სპეციალისტი, აშშ-ს სამხედრო ძალების აკადემიის ფიზიკის დ-რი ჯონ ჯექსონი. 1987 წ რომის პაპმა ნება დართო ქსოვილიდან მოეჭრათ მცირე ნაწილი, რათა მეცნიერებს დაედგინათ ქსოვილის ასაკი რადიონახშირბადული მეთოდით, რომელსაც ტრადიციულად იყენებენ არქეოლოგები. გამოკვლევები ჩაატარეს ოქსფორდის, არიზონის და შვეიცარიის ინსტიტუტების ლაბორატორიებში. აქ აჩვენა, რომ სუდარა არის შექმნილი 1260-1390 წლებში. რატომ არის ეს მოსაზრება მცდარი? ჯერ ერთი ზემოდ თქმული ისტორიული ცნობები საპირისპიროს გვიჩვენებს, მეორეც სამივე ლაბორატორიაში კვლევის ერთნაირი მეთოდი ჰქონდათ. ქიმიის მეცნიერებათა დოქტორმა დიმიტრი კუზნეცოვმა განმარტა: „ჩვენ აღმოვაჩინეთ პროცესები, რომლებიც „ამატებენ" ნახშირბადს ქსოვილში, რაც დიდ ცდომილებას იწვევს ქსოვილის ასაკის დადგენაში. მაგ. ზედმეტი ნახშირბადი შეიძლება გაჩენილიყო ძლიერი გახურების გამო." რუს მეცნიერს მხარი აუბეს იტალიელებმაც.

სუდარა სამჯერ იყო ხანძარში მოხვედრილი, როგორც ავღნიშნეთ პირველი ხანძარი მოხდა 1532 წ. მეორე ხანძრის შესახებ კონკრეტული ინფორმაცია არ არსებობს, ამის შესახებ თავად სუდარა მოგვითხრობს. 1977 წ. რეი როჯერსმა, რომელიც „თერმული მოქმედებების" სპეციალისტი იყო, პროფესიული ინტერესებიდან გამომდინარე ყურადღება შეაჩერა სუდარაზე შემორჩენილ ხანძრის ნაკვალებზე. მისმა კვლევებმა ცხადყო, რომ სუდარაზე გარდა შამბერის ხანძრის ანბეჭდებისა სხვა ხანძრის კვალიც ჩანს. ბოლო ხანძარი მოხდა 1997 წ. აპრილში საბედნიეროდ სუდარა არ დაზიანებულა. (არსებობს ვარაუდი, რომ ხანძრები სპეციალურად იყო გაჩენილი, რათა სუდარა განადგურებულიყო).

უნგრეთში არის მანუსკრიპტი, რომელიც თარიღდება 1190 წ-ით მასზე არის გამოსახულება ქრისტეს დასაფლავებისა და აღდგომისა. ნახატი შეიცავს ისეთ დეტალებს, რომლებიც მხატვარს შეეძლო ენახა მხოლოდ სუდარაზე.

1982 წ. პროფესორმა ვანგერმა შენიშნა 46 საერთო შტრიხი სუდარაზე აღბეჭდილ სახესა და წმ. სინას მთის წმ. ეკატერინეს მონასტერში არსებულ მე-6 ს-ის მაცხოვრის მოზაიკას შორის. მანვე იპოვა 63 საერთო შტრიხი სუდარაზე აღბეჭდილ მაცხოვრის სახესა და მე-7 ს-ში გამოშვებულ იუსტინიანე მეორის (692-695) ოქროს მონეტაზე.

1898 წ. 26 მაისს ტურინში რელიგიურ ხელოვნების გამოფენასთან დაკავშირებით სუდარა გამოასვენეს ხალხის წინაშე. იტალიელმა არქეოლოგმა, ადვოკატმა და მოყვარულმა ფოტოგრაფმა სეკონდო პიამ სუდარას გადაუღო პირველი ფოტო 50×60-ზე. სუდარა გამოისახა ფოტოგრაფიული ნეგატივის სახით, რომელიც არსებობდა 19 ს-ით ადრე იქამდე სანამ კაცობრიობამ გაიგო რა არის ფოტოგრაფია. ფირფიტაზე გამოისახა უფლის მთელი სხეული სახის ნეტარი იერით. ამ სურათის გამო პიას 30 წ. განმავლობაში არაერთი უსიამოვნება შეემთხვა. ზოგს ეს უბრალო სასწაული ეგონა, ზოგს კი დაზიანებული ფირფიტის შედეგი. მოგვიანებით ანატომ პათოლოგმა ივეს დელაგმა უცნაური ნეგატივები გამოიკვლია და დაადგინა, რომ ეს გვამის ანაბეჭდი იყო. მეცნიერი ფიქრობდა, რომ ეს მაცხოვრის ჯვარცმული სხეულია, მაგრამ ეს მოსაზრება დელაგს ცრურწმენაში ჩაუთვლეს და ნაშრომი არ გამოუქვეყნეს.

1931 წლის 3 მაისს ფოტოგრაფმა ჯუზეპე ენრიმ მეორედ გადაუღო ფოტო სუდარას. მეცნიერების გასაკვირად ნეგატივზე კვლავ აისახა გვამის ანაბეჭდი. იმ დროისთვის ევროპის მრავალ ეკლესიებში ინახებოდა სუდარები ადამიანის სხეულის გამოსახულებით. ენრიმ მათაც გადაუღო სურათები, მაგრამ ნეგატივებზე გადასული გამოსახულება არ იკითხებოდა.

1973 წ. სუდარას შემოაკრიჭეს ძაფის ნაჭრები, რომლებიც ცნობილ ფეიქარ-ექსპერტს ჯილბერ რიზს გადასცეს. მისი გამოკვლების თანახმად წმ. სუდარის სიგრძე არის 4,1 მ-დან 4,36 მ-მდე. სიგანე 1,1მ. სუდარად გამოყენებულია სელის ტილო. იგი პალესტინელებისათვის დამახასიათებელი წესითაა დამზადებული. ძაფი თითისტარზეა დახვეული და ძველი წესისამებრ გათეთრებული. ნაქსოვია ნაძვისებურად. მის ბოჭკოებში შეინიშნება ბამბა. ეს გვიჩვენებს, რომ სუდარა დამზადებული იყო ახლო აღმოსავლეთში.

1993 წ. რებეკა ჯექსონმა გააკეთა სენსაციური განცხადება, რომ ტურინის სუდარად გამოყენებულია ტილო, რიმელიც თავდაპირველად იყო გადაფარებული იმ მაგიდაზე სადაც „საიდუმლო სერობა" გაიმართა. იუდეველები პასექისათვის იყენებენ მხოლოდ ახალ სუფრას. რებეკა ჯექსონის აზრით იოსებ არიმათიელი იყო წევრი ოფიციალური ებრაული დამკრძალავი საზოგადოების (CHEVRAH KIDUSHA) ამ გზით მას შეეძლო ფორმალურად მოეთხოვა უფლის სხეული პილატესაგან, მაგრამ არ ჰქონდათ საკმარისი დრო, რათა მზის ჩასვლამდე ეშოვა ასე ვთქვათ „კანონიკური" ტილო და გამოიყენა ის სუფრა, რომელიც საიდუმლო სერობისას მაგიდაზე იყო გადაფარებული. ამახვილებს ყურადღებას იმაზე, რომ სუდარა პასუხობს ყველა იმ მოთხოვნებს, რომლებიც საჭიროა ებრაული დასაფლავების რიტუალისათვის და აქვს ზუსტი ზომები, რათა გამოეყენებინათ გადასაფარაბლად პასექის მაგიდისთვის 13 კაცზე. (საპირისპიროა მოთხრობილი მარკოზის სახარებაში (15, 46) „მან (იოსებ არიმათიელმა) იყიდა ტილო, გარდამოხსნა იგი, შემოახვია ტილო და დაასვანა სამარხში, რომელიც კლდეში იყო ნაკვეთი, და ლოდი მიაგორა სამარხის კარზე").

წმ. სუდარაზე არსებულ ადამიანის სხეულის ანაბეჭდის სიმაღლე დაახლოებით 178-80 სმ-ია წონა 75-80 კგ ასაკი 30-45 წ. იმიტომაა მიახლოებითი ზომები, რომ მაცხოვარს ფეხები მოკეცილი ქონდა მუხლებში, თავი ედო ქვის შემაღლებულ ბალიშზე. იერუსალიმის ახლოს აღმოჩენილი I ს-ის საფლავებში დასაფლავებული მამაკაცების საშუალო სიმაღლე 178 სმ-ია. სუდარის მფლობელი იუდაური წესითაა დაკრძალული. ცხედარს სუდარის ერთ ნახევარზე აწვენდნენ, მეორე ნახევარს თავის ზემოდ გადაატარებდნენ, ამის შემდეგ ტილოებს შემოახვევდნენ. ასევე იყო გახვეული ლაზარე რომელიც უფალმა მკვდრეთით აღადგინა.

1973 წ. შვეიცარიელ კრიმინოლოგს მაქს ფრეის ნება დართეს ლაბორატორიული ანალიზისათვის სუდარიდან მტვერი და სხვა ნაწილები აეღო. წმ. სუდარაზე აღმოჩნდა 58 ტიპის ყვავილის მტვერი. თავდაპირველად მან ვერ ამოიცნო ისინი, რადგანაც ასეთი მცენარეები არ ხარობენ ევროპაში. ფრეიმ 7-ჯერ იმოგზაურა ახლო აღმოსავლეთში და 1978 წ. დაადგინა, რომ 58 ტიპის ყვავილის მტვრიდან 13 იზრდება პალესტინის უდაბნოში და მკვდარი ზღვის მიდამოებში, 20 – სამხრეთ-დასავლეთ თურქეთსა და ჩრდილოეთ სირიაში. 16 სახეობა ეკუთვნის ისეთ მცენარეებს, რომლებიც იზრდებიან სხვადასხვა ადგილებში, ევროპის ჩათვლით. დ-რ ფრეის აზრით სუდარა იმყოფებოდა პირდაპირ კონტაქტში გარემოცვასთან ძველ პალესტინაში, ძველი ედესის ტერიტორიაზე და კონსტანტინეპოლში. ეს ყოველივე ადასტურებს ინფორმაციას ტურინის სუდარის გადაადგილებასთან დაკავშირებით.

მოგვიანებით ფრანგმა პროფ. ვანგერმა სუდარაზე სხეულის გარშემო იპოვა 28 სახეობის ყვავილის ანაბეჭი. 20 მათგანი ხარობს იერუსალიმში, ხოლო 8 იერუსალიმიდან 12 მილის შემოგარანში. ისინი იშლებიან მარტსა და აპრილში. ეს ზუსტად აღდგომის პერიოდს ემთხვევა. 1995 წ. ყოველივე ზემოდ თქმული დაადასტურა იერუსალიმის უნივერსიტეტის პროფესორ ბოტანიკოსმა კოსმა დენინმა.

1931 წ. ფრენცის ფილასმა სუდარაზე თვალების არეში დააფიქსირა ორი ჭიკარტის მაგვარი საგანი. ეს მონეტებია. ებრაული ტრადიციით მიცვალებულს თვალებზე ადებდნენ მონეტებს, რათა არ გახელოდათ. მონეტები მოჭრილია იუდეის პრეფექტის პონტოელი პილატეს დროს 29-30 ან 30-31 წლებში. ამიტომ ამ მონეტებს „პილატეს ლეპტა" ეწოდებათ. მონეტებზე წარწერებში დაშვებულია გრამატიკული შეცდომები. სიტყვებში „ტიბერიუსში" და „იმპერატორში" ლათინური და ბერძნული ასოებია აღრეული. თავდაპირველად ეს მეცნიერებს აბსურდული ეგონათ, მაგრან კერძო კოლექციებში მოძიებულ მონეტებზე იგივე შეცდომები იპოვეს. მეცნიერების აზრით ამის მიზეზი ისაა, რომ მონეტების უმრავლესობა იჭრებოდა პროვინციებში და საკმაოდ დაბალი ხარისხის იყო. 1979 წ. გათხრებისას ერთ-ერთ ებრაულ საფლავში თავის ქალაში იპოვეს ორი მონეტა მოჭრილი 44-45 წლებში. მათზეც აღმოჩნდა იგივე გრამატიკული შეცდომები.

წმ. სუდარაზე აღბეჭდილი უფლის სხეული დაზიანებულია მათრახების ცემით, რომლებსაც ბოლოებში ჰქონდათ სიმძიმეები ძვლის ან ტყვიის სახით. რომაულ მათრახს „ფლაგრუმს" უწოდებენ. მას აკეთებდნენ მშრალი ტყავის ღვედებისაგან. ბიოლოგმა პოლ ჯოზეფ ვინიონმა სუდარის შესწავლისას აღადგინა ეს მათრახები. ისინი ერთმანეთისაგან 3 სმ-ით დაშორებულ 2-3 წვრილი ღვედებისაგან შედგებოდა და მოკლე ტარაზე იყო მიმაგრებული. ჯარისკაცები უფალს სცემდნენ 3 სახის მათრახით. სუდარაზე აღბეჭდილია არანაკლებ 98-100 დარტყმა, რომლებიც მთელი სიძლიერით არის მიყენებული. 59 დარტყმა მიყენებულია 3 წვერა მათრახით, 18 – 2 წვერიანით და 21 ერთ წვერა მათრახით. ებრაელთა კანონის მიხედვით მათრახების დარტყმის რაოდენობა არ უნდა გასცილებოდა 39-ს. ამ ზღვარს არ იცნობდნენ რომაელები, რადგანაც გვემა ყოველთვის წინ უსწრებდა ჯვარცმას, ისინი არ თვლიდნენ საჭიროდ სასიკვდილოდ განწირული ადამიანის დაზოგვას.

მაცხოვრის ჭრილობათა ფორმა გავს ციფრ „8", ვინაიდან კანი დაგლეჯილი იყო მათრახის ბურთულებისაგან. დარტყმები ყველაზე მეტად ამჩნევია მხრებს, ზურგს და წელს. რადგანაც დასჯილს აშიშვლებდნენ და აბამდნენ 70-სმ. სვეტზე, რის შედეგადაც მკერდი იყო დაფარული. ამასთანავე, დარტყმები იმდენად ძლიერი იყო, რომ გულის მხარეს არ ურტყამდნენ, რათა გული არ გახეთქოდა. გასათვალისწინებელია, რომ ჯარისკაცებს პილატესაგან იესოს მოკვლა არ ჰქონდათ ნაბრძანები. ღვედები გვემის დროს გარს ერტყმოდნენ წვივებს, განსაკუთრებით მარცხენა ფეხისას. ისიც კი არის დადასტურებული, რომ ერთი ჯალათი მაღალი იყო, მეორე დაბალი და მარცხნივ და მარჯვნივ იდგნენ.

პირველი შეურაცხება უფლისა გაცილებით ადრე მოხდა, სინედრიონის მიერ დაკითხვის შემდეგ: „მაშინ ჰნერწყუვიდეს პირსა მისსა და ხურთითა სცემდეს თავსა მისსა, და რომელნიმე ყურიმალსა სცემდეს" (მათე 26, 67). სუდარაზე სახის ანაბეჭდები ატარებენ კვალს სახეში გაწნული სილებისა და შემოკრული მუშტებისა.

კარლეტო კუნი აღწერს ეთნიკურ წარმომავლობას: გარდაცვლილი ეკუთვნის სემიტურ ტიპს. თმა გრძელია. წვერი მოკლე, ორივე შუაზეა გაყოფილი. ასეთი ვარცხნილობა ახასიათებდათ ანტიკური დროის ებრაელებს. ერთმა მეცნიერ ანთროპოლოგმა უთხრა ა.ლეგრანს, რომელიც ასევე სუდარას იკვლევდა, რომ მას არა აქვს არავითარი საფუძველი უარყოს სემიტური სახის ანაბეჭდი და რომ სუდარა ერთადერთი სანდო ძეგლია, რომლის მიხედვით შესაძლებელია ანროპოლოგიური შესწავლა ებრაელებისა განთესვამდე.

წმ. სუდარა გვიდასტურებს მაცხოვრის გოლგოთის გზაზე მსვლელობისას, დაცემის შედეგად მიღებულ დაზიანებებსაც. „ ხოლო მათ აღჰკიდეს ჯვარი და, ვითარცა დასჯილსა, რამეთუ ძელსა მისცა შეხებად იზმინდეს, ამისთვისცა თავადსა აჰკიდეს, და ვითარცა წარვლესრე, პოვეს სვიმონ კვირინელი…და მერმე აღიღეს უფლისაგან და მას ზედა დადვეს იგი." მაცხოვრის ორივე მუხლზე ჩანს წაქცევის კვალი. მარცხენა ფეხის მუხლი გაყვლეფილია კვლავწაქცევებისაგან. დაცემის შედეგად ჯვარი ძლიერ ტრამვას აყენებდა მარცხენა ბეჭზე. ცხვირის წვერის და მუხლების სისხლთან შერეულია მტვერი. საბოლოო ანალიზებმა აჩვენეს, რომ ეს მტვერი ერთნაირი სახეობისაა.

რომაელი ჯარისკაცები სიკვდილმისჯილს ხშირად თამაშის საგნად აქცევდნენ. მაცხოვარსაც ამგვარად მოექცნენ. მათ შეუცვალეს ზედა სამოსი მეწამული მატერიის ნაჭრით ან ძველი წითელი ჯარისკაცული მოსასხამით. შეთხზეს ეკლის გვირგვინი და მარჯვენა ხელში დააჭერინეს ჯოხი. იჩოქებდნენ მის წინაშე, ვითომდაც თაყვანს სცემდნენ. შემდეგ გამოსტაცებდნენ ჯოხს, ურტყამდნენ ეკლის გვირგვინიან თავში და სახეში. (იოანე 19, 2-3). უფალს გამსკდარი ჰქონდა წარბი, მარჯვენა ქუთუთო გახეული, ცხვირი და მარჯვენა ლოყა ძლიერ გასიებული. დარტყმები მიყენებულია სავარაუდოდ 4-5 სმ. სისქის ჯოხით. სუდარაზე აღბეჭდილი თავი დაფარულია სისხლის მდინარეებით. გვირგვინს ჰქონდა არა სალტის არამედ მიტრის ფორმა, რაც აღმოსავლეთში ძალაუფლების სიმბოლოს წარმოადგენდა. ეკლის გვირგვინზე ყოველი დარტყმის შედეგად ეკლები თავს ესობოდნენ სულ უფრო ღრმად. აღნიშნულია 30 ღრმა ჭრილობა თავსა და თხემზე.

იმ დროისათვის ჯვარზე სიკვდილი ითვლებოდა ყველაზე მძიმედ და სამარცხვინოდ. ჯვარცმის წინ გვემის გამო სიკვდილმისჯილები განიცდიდნენ საზარელ წყურვილს. ბუზები და კოღოები ღრუბლად გროვდებოდნენ დაწყლულებულ სხეულზე. სისხლის სუნზე ძაღლები მიდიოდნენ და გლეჯდნენ მათ ფეხებს.

გასული საუკუნის 30-ან წლებში ჯუზეპე ენრის მიერ გადაღებულ ფოტო სურათზე დაკვირვებისას, სამხედრო ქირურგმა პიერ ბარბემ (იგი ათეისტი იყო და სუდარაზე ჩატარებული კვლევების შემდეგ აღიარა ღმერთის არსებობა) შენიშნა, რომ სამსჭვალები ხელის სახსრის ზედა ნაწილზეა მოთავსებული. რომაელმა ჯარისკაცებმა გამოცდილებით უკვე იცოდნენ თუ რა ადგილას უნდა მოხვედრილიყო სამსჭვალი, კერძოდ ხელის სახსრის ორ დიდ ძვალს შორის. მხოლოდ ამ შემთხვევაში შეეძლო სხეულს ჯვარზე გაჩერება. თუმცა ეს აუტანელ ტკივილთან იყო დაკავშირებული. ჯვარზე აღსრულების სისასტიკე ბევრად იყო დამოკიდებული იმაზე თუ რა სახით აცვამდნენ ჯვარს. ჯვარზე გაკვრის რამდენიმე ვარიანტი არსებობდა. პირველი ვერსიით ჯვარცმულს ხშირად კიდურებს უმაგრებდნენ თოკით. მეორე ვერსიით მარტო ხელებით აცვამდნენ ჯვარს. ამ დროს ხელები საოცრად დაჭიმული იყო და ჯვარცმულს უჭირდა ჰაერის ჩასუნთქვა. მესამე ვერსიით სიკვდილ მისჯილი ქვედა და ზედა კიდურებით იყო მიმსჭვალული. ხშირად ფეხების ქვემოთ საყრდენ ფიცარს აჭედებდნენ. მეოთხე ვარიანტი გულისხმობდა ჯვარცმას ყოველგვარი საყრდენის გარეშე. იმ დროს ჯვარცმისთვის გათვალისწინებული იყო მაღალი და დაბალი ჯვრები. ჯვრის სიმდაბლის გამო ჯვარცმულს ხშირად მხეცები გლეჯდნენ. მაცხოვრის ჯვარცმისთვის მაღალი ჯვარი შეარჩიეს, რათა ამ სასჯელისთვის ყველას ეცქირა მაღალი ადგილიდან და მაღალი ჯვრიდან.

მაცხოვრის მაჯიდან სისხლი ორი კუთხით მოედინებოდა. ეს იმას ნიშნავს, რომ ჯვარცმული მდგომარეობას იცვლიდა. სუდარაზე აღბეჭდილ ადამიანს ორივე ცერა თითი აქვს მოკეცილი. როცა სამსჭვალით მაჯა იხვრიტება ზიანდება მაჯაში გამავალი ცენტრალური ნერვი და თითი აღარ იშლება. 1968 წ. იერუსალიმის ახლოს იპოვეს სამარხი, რომელშიც 35 კაცი იყო დასაფლავებული. ერთ-ერთ გარდაცვლილს იოაქანაანი ერქვა. მას წვივები ჰქონდა გადამტვრეული, აქედან ჩანს, რომ ჯვარს უცვიათ. ლურსმანი ზედ ჯვრიდან შერჩენილი, ზეთისხილის ხის ნაფოტით ქუსლში ჰქონდა გაჩრილი. ლურსმანმა, რომელიც მას მკლავში ჩაასვეს მაჯასთან ახლოს დატოვა ადვილად გასარჩევი ნაკაწრი. ამ სამსჭვალის სიგრძე 11 სანტიმეტრია.

მაცხოვრის გარდაცვალების შესახებ არსებობს 2 თეორია: გაგუდვა და გულის გაჩერება სისხლის წნევის უეცარი დავარდნით. ანთროპოლ ანატომების აზრით ჯვარცმის დროს ადამიანს იმგვარი მდგომარეობა უკავია, რომ მის კუნთებს აღარ აქვს უნარი ფილტვები გააფართოოს. იმისთვის, რომ ადამიანმა ეს მოახერხოს, საჭიროა დაეყრდნოს ფეხებს, წამოიწიოს ოდნავ და ჰაერი ჩაისუნთქოს, მაგრამ წამოწევა შეუძლებელია, რადგან ორივე ფეხი მილურსმულია. ამიტომ ხან ერთი მხარი უნდა წამოსწიოს და ოდნავ ზევით აიწიოს, ხან მეორე, წმ. სუდარაზე ჩანს, რომ უფალს ორივე მხარი ჰქონდა გახეხილი ე.ი რაღაც საგანს ეხახუნებოდა ხანგრძლივად. გავიხსენოთ, სისხლის ნაკადი ორ კუთხად ჩამოდიოდა მაჯიდან, იმიტომ, რომ ხელი ტრიალებდა სამსჭვალის გარშემო.

ჯვარცმულის სიკვდილის დასაჩქარებლად მიღებული იყო წვივების გადამტვრევა, რის გარეშეც მათ უნდა ეტანჯათ კიდევ ორი დღე. ჯარისკაცებმა წვივები გადაუმტვრიეს ორ ავაზაკს. „ხოლო მო-რაი-ვიდეს იესუისა და იხილეს იგი, რამეთუ მომკვდარი იყო, არა განუტეხნეს წვივნი მისნი" (იოანე 19, 33). „…არამედ ჰურიათა მომადლებისათვის ლახურითა უგუმირეს გვერდსა და მკვდარსა მას გვამსა ჰგვემდესვე" (წმ. იოანე ოქროპირი). „…და მეყვსეულად გარდამოხდა სისხლი და წყალი" (იოანე 19, 34). მეცხრამეტე საუკუნის უღმერთო კრიტიკოსები (შტრაუსი, ბაუერი, შლაიერმარხელი) უარყოფდნენ იოანე მოციქულის ამ მოწმობას. ამტკიცებდნენ, რომ სისხლი გვამში რჩება თხევად მდგომარეობაში არა უმეტეს 1 საათისა. მათი აზრით წყალი გამოეყოფა სისხლს მხოლოდ გვამის სრული გახრწნის შემდეგ ან იმ შემთხვევაში როცა სიკვდილი გამოწვეულია ტიფით ან წყალმანკით. რუსი მღვდელი ბუტკევიჩი თავის წიგნში „ცხოვრება უფლისა ჩვენისა იესო ქრისტესი" აღნიშნავდა, რომ შუბით განგმირვა მოხდა სიკვდილის შემდეგ ძალიან მალე. რომაელები შუბს იმგვარად უმიზნებდნენ, რომ გვერდიდან გულისაკენ მიდიოდა რაც გარდაუვალ სიკვდილს იწვევდა. დოქტორი ბარბე მივიდა იმ დასკვნამდე, რომ შუბმა გაიარა მეექვსე ნეკნი, განგმირა მეხუთე ნეკთაშორისი პლევრა და ფილტვი. შემდეგ პერიკარდიუმი, რომელშიც გულია მოთავსებული, როგორც პარკში და უწია გულის მარჯვენა წინაგულს. სიკვდილის შემდეგ სისხლი გროვდება წინაგულში. თუ შუბით განგმირვა მოხდებოდა მარცხენა მხრიდან, მაშინ შუბი გაივლიდა ფილტვებში, ის შეიკუმშებოდა და აღარ მისცემდა სისხლს გამოდენის საშუალებას. სისხლი გულიდან გამოვიდა „ფილტვის ღრუს" მეშვეობით, რომელის გვამში ღიად მოჩანს.

ებრაელები ხმარობდნენ დიდი რაოდენობით ნელსაცხებლებს, რომლითაც გარდაცვლილ სხეულს ფარავდნენ განბანვის შემდეგ. ამ შემთხვევაში დროის სიმცირის გამო ეს ჩვეულება ვერ აღასრულეს. გოლგოთის მთიდამ 50 ნაბიჯზე იოსებ არიმათიელს თავისთვის განმზადებული ჰქონდა საფლავი. პასექის მზადებისა და სიჩქარის გამო გადაწყვიტეს იქ დაესაფლავებინათ მაცხოვრის სხეული. განბანილი სხეული სუდარაზე არ დატოვებდა ისეთ კვალს როგორსაც ჩვენ დღეს ვხედავთ. ნიკოდიმოსმა და იოსებ არიმათიელმა იუდეველთა ჩვეულებისამებრ იესოს სხეული ნელსაცხებლიანი ტილოებით შეგრაგნეს. ნელსაცხებელი იყო გრანულების სახით მურისა და ალოეს ნაზავი. ამ რაოდენობის არომატები შეაფერხებდნენ გვამის ხრწნას და შეაძლებინებდნენ შაბათის შემდეგ რიტუალის გაგრძელებას. შაბათის გამო ვაჭრობა აკრძალული იყო, ამიტომ მენელსაცხებლე დედანი კვირა დილით მივიდნენ, რათა დაემთავრებინათ დაკრძალვის რიტუალი.

„მოვიდა სიმონ-პეტრეცა შემდგომად მისა და შევიდა საფლავად და იხილნა ტილონი იგი მდებარენი, და სუდარა იგი, რომელი იყო თავსა მისსა არა ტილოთა თანა მდებარე, არამედ თვისაგან შეკეცილი ერთსა ადგილსა"(იოანე 20, 6-7). ვინინის აზრით „სახვევი შემოკრული იყო სუდარაზე. ამრიგად ცალკე საგანგებოდ მოკეცილი სახვევი იყო ვიწრო ნაჭერი, რომელსაც ბოლოები განასკული ჰქონდა ე.ი სახვევი, რომელზეც გვესაუბრება იოანე მოციქული იყო გამიზნული ნიკაპის შესახვევად (ძველი იუდაური ტრადიციის თანახმად)" (იხ. ვინინი „წმ. სუდარა" გვ. 67). იოანე მოციქულმა ირწმუნა, ვინაიდან იხილა ტილოები იმავე მდგომარეობაში, როგორშიც ისინი იყვნენ მისი მოძღვრის სხეულზე. თანაც მათზე იყო ის ანაბეჭდი, რომელსაც ჩვენ დღეს ვხედავთ.

სუდარა ნივთმტკიცებაა უფლის აღდგომისა. უფლის სხეული, რომ მოეპარათ, მას სიჩქარის გამო ტილოებთან ერთად მოიპარავდნენ. ვის შეეძლო ასეთი სიმარდით მოეცალა სხეულისთვის 5 მ-მდე ქსოვილი, რომელიც მიმხმარი იყო სხეულზე სისხლთან ერთად? როცა ამ დროს გარდაუვალი იქნებოდა ხახუნი და ახალი ლაქების წარმოქმნა.

მეცნიერები, წმ. სუდარაზე აღბეჭდილ სისხლის ლაქებზე ამტკიცებდნენ, რომ ეს იყო ძველად მხატვრობაში ხშირად გამოყენებული ფერადი სუბსტანცია, რომელიც რკინის ოქსიდისაგან მზადდებოდა. 1980 წ. ორის შვალბერის მიერ ჩატარებული კვლევის შედეგად, სუდარაზე შემხმარ სისხლში აღმოჩნდა ისეთი რკინები, რომელსაც სისხლის ჰემოგლობინი შეიცავს. 1981 წ. ბოლნე და მასარო მივიდნენ იმ დასკვნამდე რომ სისხლი არის მეოთხე ჯგუფის.

უფლის სხეული საფლავში იმყოფებოდა არა უმცირეს 30 და არა უმეტეს 40 საათისა. მეცნიერთა აზრით ეს დრო სავსებით საკმარისია, რომ სხეულის ანაბეჭდი დარჩენილიყო სუდარაზე, რადგანაც ამ დროის გასვლის შემდეგ დაწყებული გვამის ხრწნა წაშლიდა მათ. მეცნიერთა დაკვირვებით 40 საათის გასვლის შემდეგ წმიდა სუდარაზე არსებულ გამოსახულებაში მიმდინარე პროცესები უეცრად წყდება.

სუდარაზე მაცხოვრის სხეულის ანაბეჭდის გადასვლის შესახებ არსებობოს რამდენიმე ჰიპოტეზა:

I მეცნიერებს თავდაპირველად სუდარა ეგონათ პროფესიონალი მხატვრის მიერ შესრულებული ტილო. გაჩნდა მოსაზრება თითქოს ლეონარდო და ვინჩის მიერ იყო სუდარა მოხატული მაგრამ ზემოთ ჩამოთვლილმა გამოკვლელებმა ცხადყო, რომ სუდარაზე საღებავის კვალი არსად შეინიშნება. რაც აღიარა თვით საბჭოთა ათეისტურმა ჟურნალმა 1984 წელს (№ 9).

II ვერსიით ქრისტეს სხეული განბანეს თხის რძით და რძემ სუდარაზე დატოვა სხეულის უხილავი ანაბეჭდი, რომელიც ხანძრის დროს გამომჟღავნდა.

III წინა სასიკვდილო აგონიის დროს სხეული დიდი რაოდენობით გამოყოფს ამიაკურ ორთქლს, ამასთანავე სუდარაზე არსებული ნელსაცხებლები შეიცავდნენ ალოეტინს, რამაც ხელი შეუწყო მაცხოვრის გამოსახულების აღბეჭვდას.

IV ვერსიას მეცნიერები უწოდებენ „ცეცხლოვან სხეულს". 1978 წ გამოკვლევების შედეგად აღმოჩნდა, რომ სისხლის ლაქები გაჩნდა სუდარაზე უფრო ადრე ვიდრე სხეული გამოისახებოდა. სხეული ისეა გამქრალი, რომ სისხლის წვეთების ფორმა შეცვლილი არ არის. ეს იმ შემთხვევაში, როდესაც სისხლის წვეთები კონტაქტში იმყოფებოდნენ სხეულთანაც და სუდარასთანაც. რეალური იქნება თუ ვიფიქრებთ, რომ გამოსახულება გაჩნდა სასწაულის შედეგად. კონკრეტულად უფლის აღდგომისას. მეცნიერთა აზრით აღდგომა მოხდა ცეცხლოვანი სხეულით, ღვთაებრივი ძალით და ენერგიით და ამ სხეულმა დატოვა ხელთუქმნელი გამოსახულება სუდარაზე. ცეცხლის შეხებამ გამოიწვია ქიმიური ცვლილებები მის ბოჭკოებში და გამოიწვია მათი გამუქება, მაგრამ ეს ცეცხლი არ განივრცო ფიზიკის კანონის თანახმად. მეცნიერები ამ ცეცხლს უკავშირებენ მაცხოვრის საფლავზე გარდამომავალ „ზეციურ ცეცხლს". არგუმენტად მოაქვთ ის ფაქტი, რომ ზეციური ცეცხლი თავდაპირველად იწვევს მხოლოდ ფიტილის წვას და არ ემორჩილება ფიზიკის კანონებს. გასათვალისწინებელია, რომ მეცნიერებს უხდებათ შეისწავლონ ისეთი მოვლენები, რომელთა გამეორებაც არ შეუძლიათ თავიანთ ლაბორატორიებში.

„სუდარაზე აღბეჭდილია გეთსიმანიის ტანჯვაც, გვემაც, ჯვარცმაც და მიუხედავად ამისა, მიცვალებული მაცხოვრის სახე ინარჩუნებს სიმშვიდეს, სიდიადეს და ღვთაებრივი ბუნება ვლინდება ჯვარცმულ ადამიანურ სხეულში." (ლოტი. „უფლისა ჩვენისა იესო ქრისტეს პორტრეტი" გვ. 39).