ეს ამბავი რამდენიმე ხნის წინ გახმაურდა, თუმცა ახლახანს სანდო წყაროზე დაყრდნობით Reuters-მა დაადასტურა. Samsung-ი ARM-დან Intel-ზე გადაერთვება და მისი მომდევნო 10 დიუმიანი ტაბლეტისთვის( Galaxy Tab 3 10.1.) Intel-ის პროცესორს გამოიყენებს. უფრო კონკრეტულად კი, მოხდება Android-ის ოპტიმიზაცია x86 არქიტექტურაზე, რომელიც უკვე ბევრ სმარტფონში გვინახავს, მათ შორის Lenovo K900 და ZTE Geek.

ინფორმაციას, ასევე, Korea Times გამოეხმაურა. გამოცემა Intel-ის ერთ-ერთი თანამშრომლის მიერ მიწოდებულ ინფორმაციას ავრცელებს, რომელიც ამბობს, რომ Samsung-თან დაკავშირებულ პროექტზე მუშაობენ, რაც Intel-ის გადაწყეტილებების სამხრეთ კორეის კომპანიის პროდუქტთან ადაპტაციას გულისხმობს.